Namasteholland, News, Information and Technology

News from Netherlands. Nepali news. world news. Entertainment news.

खेलकुदहेडलाइन

उत्कृष्ट पुनरागमन गर्दै लिभरपुल फाइनलमा, बार्सिलोना पराजित

च्याम्पियन्स लिगको इतिहासमा अहिलेसम्मकै उत्कृष्ट ‘कमब्याक’ गर्दै लिभरपुल फाइनलमा प्रवेश गरेको छ । पहिलो लेगमा तीन–शून्यले पछि परेको लिभरपुलले घरेलु मैदानमा बार्सिलोनालाई चार–शून्यले हराउँदै समग्रमा चार–तीन गोल अन्तरले फाइनलमा पुग्न सफल भयो ।

लगातार दोस्रो सिजन च्याम्पियन्स लिगको फाइनलमा पुग्ने क्रममा लिभरपुलले घरेलु मैदान एनफिल्डमा ऐतिहासिक कमब्याक गर्न सफल भयो । बार्सिलोनाको घरेलु मैदानमा तीन शून्यको हार ब्यहोरेको लिभरपुल दोस्रो लेगमा कमब्याक गर्न सक्छ भन्ने झिनो आशा रहेको थियो । तर बार्सिलोना १९८६ पछि युरोपियन प्रतियोगितामा यति ठूलो हारपछि बाहिरिन बाध्य भयो ।

मुख्य खेलाडी मोहम्मद सलाह र फेरमिन्हो नहुँदा दबाबमा रहेको लिभरपुलको जितमा ओरिगी र वाइनाल्डमले दुई–दुई गोल गरे । खेलको सातौं मिनेटमा ओरिगीको गोलमा लिभरपुलले खेलमा अग्रता बनायो । पहिलो हाफमा एक गोलको अग्रता बनाएको लिभरपुलले दोस्रो हाफमा झन उत्कृष्ट प्रदर्शन गर्न सफल भयो ।

२ मिनेट भित्र लिभरपुलका लागि वाइनाल्डमले २ गोल गर्दै खेल समग्रमा तीन तीनको अवस्थामा पुर्‍याए । उनले खेलको ५४ औं र ५६ औं मिनेटमा गोल गरेका थिए । त्यसपछि ७९ औं मिनेटमा ओरिगीले ब्यक्तिगत दोस्रो गोल गरेपछि एनफिल्डमा उपस्थित सबै समर्थकमा खुशीको सीमा थिएन ।

त्यसपछि बार्सिलोना खेलमा फर्कन सकेन र स्तब्ध बन्यो । लिभरपुलका प्रशिक्षक जुर्गेन क्लोपले पनि यो जित अविश्वसनीय रहेको प्रतिक्रिया दिएका छन् ।

तल प्रतिकृया दिनुहोस

error: Content is protected !!