Namasteholland, News, Information and Technology

News from Netherlands. Nepali news. world news. Entertainment news.

अन्तरराष्ट्रियसमाचारहरुहेडलाइन

जब दक्षिण अफ्रिकी युवतीले मिस युनिभर्सको ताज जितिन्…

Miss Universe 2018 Philippines’ Catriona Gray (R) crowns the new Miss Universe 2019 South Africa’s Zozibini Tunzi on stage during the 2019 Miss Universe pageant at the Tyler Perry Studios in Atlanta, Georgia on December 8, 2019. (Photo by VALERIE MACON / AFP) (Photo by VALERIE MACON/AFP via Getty Images)

‘म यस्तो संसारमा जन्मिएकी हुँ जहाँ मेरोजस्तो छाला र कपाल भएको महिलालाई कहिल्यै सुन्दर मानिएन। मलाई लाग्छ, आजबाट त्यो सोचको अन्त्य भएको छ। म चाहन्छु बालबालिकाहरु मलाई हेरुन्, मेरो मुहारलाई हेरुन् र म चाहन्छु कि उनीहरु आफ्नो मुहार मेरो मुहारमा देखुन्।’

आइतबार जर्जियाको एटलान्टामा सम्पन्न विश्व सुन्दरी प्रतियोगितामा मिस युनिभर्सको ताज पहिरिएपछि जोजिबिनी तुन्जीले खुशीसाथ राखेको अभिव्यक्ति हो यो। ८९ प्रतिष्पर्धीलाई पछि पार्दै उनले यो उपाधि हासिल गरेकी हुन्।

लैङ्गिक हिंसा अन्त्यका लडिरहेकी २६ वर्षिया तुन्जीले ताज पहिरिएपछि युवायुवतीलाई आफूजस्तो छु त्यसमै सन्तुष्ट हुन प्रेरित गर्दै ‘मोटिभेसनल स्पिच’ दिएकी थिइन्।

जतिबेला स्टेजबाट विजेताका रुपमा तुन्जीको नाम घोषणा भयो, उनलाई यो पल पत्याउनै मुस्किल भइरहेको थियो। त्यसैले त आफ्नो नाम घोषणा हुनासाथ उनले आफ्ना दुइ हात जोडिन्, निधारमा पु-याइन्, अनि खुलेर हाँसिन्। सायद उनको यो हाँसोले मिस युनिभर्सको ताजमात्रै जितिरहेको थिएन, वर्षौदेखि सौन्दर्य प्रतियोगिताले बोक्दै आइरहेको सुन्दरताको मानकलाई फेरि एकपल्ट भत्काइरहेको थियो। यसअघि सन् २०१७ र १९७८ मामात्रै अफ्रिकाले यो ताज जित्ने अवसर पाएका थियो।

तुन्जी यसवर्ष ‘मिस साउथ अफ्रिका’को ताज पहिरिएपछि मिस युनिभर्समा सहभागी हुन् आएकी थिइन्। फिलिपिन्सकी क्याट्रिओना ग्रेले तुन्जीलाई मिस युनिभर्सको ताज लगाइ दिएकी थिइन्। सन् २०१८ मा ग्रेले मिस युनिभर्सको ताज जितेकी थिइन्।

तल प्रतिकृया दिनुहोस

error: Content is protected !!