Namasteholland, News, Information and Technology

News from Netherlands. Nepali news. world news. Entertainment news.

प्रबास

पोर्चुगलमा साहित्य र मानवअधिकार विषयक सात्क्षात्कार तथा अन्र्तक्रिया कार्यक्रम सम्पन्न ।

लिस्वोन, १० अक्टोबर २०१८— राजधानी लिस्वोनमा अन्तर्राष्ट्रिय नेपाली साहित्य समाज(अनेसास), पोर्चुगलको आयोजनामा यूरोप भ्रमणमा रहेका लेखक, साहित्यकार तथा मानवअधिकार कर्मी मानवअधिकार तथा शान्ति समाज,नेपालका सभापति गङ्गाधर अधिकारीको उपस्थितिमा “ नेपाली भाषा, संस्कृति, साहित्य र मानवअधिकार” विषयक एक अन्र्तकृया कार्यक्रम सम्पन्न भएको छ ।
राजधानी लिस्वोन स्थित रहेको स्वयम्भू रेष्टुरेण्टमा सम्पन्न भएको उक्त कार्यक्रमको सभापति अन्तर्राष्ट्रिय नेपाली साहित्य समाज (अनेसास), पोर्चुगलका अध्यक्ष वाई बि गुरुङ्गले गर्नुभएको थियो भने कार्यक्रममा प्रमुख अतिथिका रुपमा गङ्गाधर अधिकारीले नेपाली भाषा,संस्कृति, साहित्यको विकास र नेपालमा मानवअधिकारको पछिल्लो अवस्थाका बारेमा लामो चर्चा गरेका थिए ।
कार्यक्रममा अनेसास,केन्द्रीय उपाध्यक्ष सुनिल सँगम,गैर आवासीय नेपाली संघ, पोर्चुगलका उपाध्यक्ष नारायणकाजी थापा मगर,स्थानिय पत्रकार रमेश राज वास्तोला,लगाएतका साहित्यानुरागीहरुको उपस्थिति रहेको थियो ।
कार्यक्रममा सँस्थाको तर्फबाट अध्यक्ष वाई बि गुरुङ्गद्धारा खदा लगाई प्रमुख अतिथि अधिकारीलाई स्वागत गरिएको थियो भने गैर आवासीय नेपाली संघ, पोर्चुगलका तर्फबाट उपाध्यक्ष नारायण काजी थापा मगरले खदा लागाई स्वागत गरेका थिए ।
“ नेपालमा बस्ने नेपालीहरुलाई भन्दा बढी भाषा, संस्कृतिको मायाँ प्रवासमा बस्ने नेपालीहरुलाई भएको कुरा राख्दै अधिकारीले नेपालमा लोकतन्त्र आएपनि मूलुकमा दण्डहिनताको अन्त्य भने नभएको बताए ” ।
कार्यक्रम अनेसास, पोर्चुगलका वरिष्ठ उपाध्यक्ष कृष्ण कडेल“जिज्ञासु”ले सञ्चालन गरेका थिए ।

तल प्रतिकृया दिनुहोस

error: Content is protected !!