खेलकुद

फिफा क्लब विश्वकपको उपाधि स्पेनिस क्लब रियल मड्रिडलाई

  •  
  •  
  •  
  •  
  •  
  •  
  •  
  •  


फिफा क्लब विश्वकपको उपाधि स्पेनिस क्लब रियल मड्रिडले हात पार्न सफल भएको छ ।

युएईको आबु धावीमा भएको खेलमा घरेलु टिम अल ऐनलाई ४–१ ले हराउँदै रियल लगातार तेस्रो पटक च्याम्पियन बन्न सफल भएको हो ।

रियलको यो चौथो क्लब विश्वकप उपाधि हो । १४ औं मिनेटमा लुका मोड्रिचले गोल गर्दै रियललाई अग्रता दिलाएका थिए । पहिलो हाफमा रियल १–० ले अघि रहेको थियो ।

मर्कोस लोरेन्टेले २५ यार्ड टाढाबाट हानेको प्रहार गोलमा परिणत भएपछि रियलले खेलको ६०औं मिनेटमा रियलले अग्रता २–० मा लम्ब्याएको थियो ।

७८ औं मिनेटमा सर्जियो रामोसले लुका मोड्रिचको कर्न प्रहारलाई हेडमार्फत गोलमा परिणत गरेपछि रियलले उपाधि करिब करिव निश्चित बनायो ।

८६औं मिनेटमा शुकासा शिओटानीले अल ऐनका लागि गोल गर्दै रियलको अग्रता घटाउने प्रयास गरेपनि इन्ज्युरी समयमा याया नदेरले इन्ज्युरी समयमा आत्मघाती गोल गरेपछि रियल ४–१ ले विजयी भएको हो ।

तल प्रतिकृया दिनुहोस

error: Content is protected !!